ATOPA CONVIVENCIA

Dende o equipo de convivencia  e o departamento de orientación, queremos contarvos  que o noso centro vai formar parte dunha experiencia piloto no eido da convivencia. Imos participar coas nosas alumnas e alumnos no proxecto Atopa, promovido pola asociación ASTEAVI de Vigo e  coa colaboración da Escola de Telecomunicación de Vigo.

Trátase da utilización dunha  sinxela APP para realizar test sociométricos que nos van permitir coñecer o clima  de convivencia nas aulas. Formamos parte dun grupo de 8 centros de ensino no que se vai implantar esta experiencia. As ferramentas dixitais, que pon AsTEAVi á nosa disposición de xeito gratuito, vannos permitir analizar con rigor os resultados do traballo en convivencia  que levamos facendo estes anos e propoñer melloras para seguir avanzando nesta liña, un dos obxectivos principais do noso centro.

 Se queredes saber máis sobre o proxecto ATOPA, podedes consultar as seguintes ligazóns:

https://view.genial.ly/6144fb562c6ff60ddba8cc3d/interactive-content-atopa

https://www.atopa.es/index.html

Esperamos que esta iniciativa resulte do voso interese e agardamos, coma sempre, que nos fagades chegar as vosas suxerencias.

Unha aperta,

Equipo de Convivencia e DO